जगणं

जगणं कशाचं नाव आहे ? 

माहीत नाही ..

पैसे कमावण्याचं ? 

नाव कामावण्याचं ? 

सत्ता मिळवण्याचं ? 

प्रेम मिळवण्याचं ? 

काही कळत नाही ..एकालाच सगळं मिळत नाही ..प्रसिद्धी  आहे ..पैसा नाही ..

पैसा आहे..पण प्रेम नाही ...

सगळं एकदम नाही मिळत ..मग हा गेम चालु राहतो ..

हे मिळालं आता हे मिळवू या..आयुष्याच्या अंतापर्यंत..

माणसं पळतच असतात...मृगजळाच्या मागे..

आपण सामान्य ...

हे सगळं एखाद्यालाच मिळतं.. करोडोमधून एखाद्यलाच..

तो असामान्य ..

काळ हसत असतो...या सगळ्यावर ..

त्याची लाट येते...आणि रेतीवर  मेहनतीने मारलेल्या आयुष्याच्या  सर्व रेघोट्या पुसुन जाते... 

किनारा कोरा होऊन जातो ..

पुन्हा नवीन रेघोट्या मारण्यासाठी ...

- संजीवन म्हात्रे ( मनातलं -005 )