सर्वधर्म समभाव आरती - खांदेश्वर पोलिस स्टेशन - २५ सप्टे.२०१५

या वर्षीच्या गणेशोत्सवामध्ये खांदेश्वर पोलिस स्टेशन मध्ये एक आगळा वेगळा उपक्रम राबविला. श्री गणरायाची सर्व धर्मियांनी सामुहिक आरती करायची. .! हा उपक्रम करण्यासाठी  परिमंडळ -२ चे पोलिस उपायुक्त श्री विश्वास पांढरे , सहाय्यक पोलिस उपायुक्त श्री शेषराव सूर्यवंशी , श्री. देसाई साहेब यांच्या विशेष पुढाकाराने हा उपक्रम राबविण्यात आला. या महाआरती मध्ये गणरायाला आरती करण्याचा मान अनेक मान्यवरांमध्ये मलाही मिळाला हे माझे मी सद्भाग्य समजतो.समाजाला एक नवी दिशा आणि प्रेरणा देणाऱ्या या कार्यक्रमाचा भाग म्हणून उपस्थित राहण्याचा भाग्य मला मिळाले . श्री विश्वास पांढरे साहेब , श्री शेषराव सूर्यवंशी साहेब, देसाई साहेब आणि सर्व पोलिस अधिकारी आणि कर्मचारी यांचे हार्दिक अभिनंदन ..! 

पोलिस अधिकारी, कर्मचारी आणि कुटुंबियांसाठी विशेष कार्यक्रम

नमस्कार ...!
"याल तर हसाल " च्या शिरपेचात आणखी एक मानाचा तुरा...!!! नवी मुंबई पोलिस अधिकारी , कर्मचारी आणि त्यांच्या कुटुंबियांसाठी " याल तर हसाल " चा विशेष प्रयोग सादर होतोय " वासुदेव बळवंत फडके " नाट्यगृहात..! शनिवार दिनांक १२ सप्टे. २०१५ सकाळी १० वाजता होणाऱ्या कार्यक्रमात अनेक मान्यवर पोलिस अधिकारी उपस्थित राहणार आहेत. शिवाय अर्जुन पुरस्कार विजेत्या अभिलाषा म्हात्रे चा विशेष सन्मान  सुद्धा होणार आहे. मुंबई पोलिसांसाठी सिनेसृष्टीतील अनेक दिग्गज कलाकार नेहमीच वर्षातून एकदा कार्यक्रम करतात. आपण ते टी.व्ही. वर पाहिले आहे. तेव्हा आपणही पोलिसांसाठी कार्यक्रम करून कायदा आणि सुव्यवस्था राखणाऱ्या पोलिस दलाचे मनोरंजन करावे असे मनोमन वाटायचे. या कार्यक्रमच्या निमित्ताने हे स्वप्न पूर्ण होतेय आणि " याल तर हसाल " आणखी एक पाउल  पुढे जातोय...! श्री. विश्वास पांढरे ( पोलिस उपायुक्त परिमंडळ -२ ) आणि श्री. शेषराव सूर्यवंशी ( सहाय्यक पोलिस आयुक्त पनवेल विभाग ) यांचे मन:पूर्वक धन्यवाद ...! माझ्या सर्व रसिक प्रेक्षकांचे मन;पूर्वक आभार ...! 

ट्रेनिंग आणि रिक्रुटमेंट सेल ...!

नमस्कार ...!
ट्रेनिंग आणि रिक्रुटमेंट सेल च्या उद्घाटन प्रसंगी प्रमुख पाहुणे म्हणून उपस्थित राहण्याचा योग आला . शेतकरी कामगार पक्षाने हा समारंभ वासुदेव बळवंत फडके नाट्यगृहात आयोजित केला होता. तरुणांनी संपूर्ण सभागृह भरून गेले होते. ट्रेनिंग क्षेत्रातील अनेक दिग्गज मान्यवर व्यासपीठावर हजार होते. त्या सर्वांमध्ये व्यासपीठ भूषविताना खूप अभिमान वाटला. माझर भाषण विशेष गाजले , सर्वाना आवडले ...अशी सर्वानी पोचपावती दिली. माझ्या भाषणाचे काही मुद्दे वरील बातमीत प्रसिद्ध झाले होते. ते माझ्या चाहत्यांसाठी देत आहे.
आपला सर्वांचा - हास्यप्रबोधनकार संजीवन म्हात्रे .

"याल तर हसाल " विष्णुदास भावे शो - हाउसफुल्ल ..!

नमस्कार ..! 

" याल तर हसाल " चा विष्णुदास भावे मधील पहिलाच शो हाउसफुल ..! सर्व रसिक प्रेक्षक, श्रोते, मित्रमंडळी आणि मान्यवरांचे मन:पूर्वक धन्यवाद ..! नवी मुंबईकरांनी 'याल तर हसाल' चे जल्लोषात स्वागत केले .. त्यासाठी माझ्याकडे शब्द नाहीत ..! श्री रवीशेठ पाटील ( वहाळ ) , मनोज म्हात्रे , निलेश पाटील ( म्हात्रे & पाटील असोसीएटस ) , बी.ए.पाटील ( घणसोली ), मंगेश म्हात्रे,  रवी मढवी , महेंद्र दळवी ( दिवा ) , सुरज भगत ( शेलघर ) , अनिल ठाकूर (जसखार ). संजीव पाटील ( मोरावे ) , भूपेश म्हात्रे ( कोपर ) , सुनील म्हात्रे ( करावे )  आणि माझे अनेक मित्रमंडळी यांनी अपर मेहनत घेतली. कार्यक्रमासाठी श्री दिनेश पाटील ( विश्वस्त जे.एन.पी.टी. ), संतोष चौधरी ( दादुस ) , पी .सी .पाटील ( अध्यक्ष ज्ञान विकास संस्था , कोपरखैरणे ) नंदकुमार म्हात्रे ( मांडवाचे मंगारी ) अशा मान्यवरांनी कार्यक्रमाला शोभा आणली.  सर्वांचे म:पूर्वक धन्यवाद ...! ज्या पद्धतीने रसिकांनी कार्यक्रमाला गर्दी केली ....दाद दिली ...आम्हा कलाकारांचे कौतुक केले ...सर्व रसिकांना आमचे लाख लाख सलाम...!  हे सर्व रसिकांमुळेच आम्ही करू शकलो ...या यशाचे मानकरी माझे रसिक प्रेक्षकच ...!

आपला सर्वांचा - हास्यप्रबोधनकार  संजीवन म्हात्रे 

"याल तर हसाल " विष्णुदास भावे - पहिला प्रयोग - १५ ऑगस्ट २०१५

नमस्कार ..!
                  खूप वर्षापसून इच्छा होती ..विष्णुदास ला प्रयोग करण्याची ..! 'याल तर हसाल' जेव्हा सुरु केला तेव्हापासून ,,हे स्वप्न पाहिलं ..! नाटक बघायला ज्यावेळी विष्णुदास भावे नाट्यगृहात  जायचो त्यावेळी मला स्वतःला रंगमंचावर बघायचो . आपल्या स्वत;च्या नाटकाचा banner इतर मोठ्या नाटकांच्या रांगेत बघायचो .. .स्वप्नच वाटायचं त्यावेळी ..!  पण आज माझ्या रसिकांच्या, श्रोत्यांच्या आणि मित्रमंडळी यांच्या  कृपेने आज इथपर्यंत येऊन पोहोचलो. आज ५२१ व्या प्रयोगापर्यंत आल्यानंतर कार्यक्रमच काही अप्रूप वाटत  नाही पण रंगमंचाच जरूर आहे ..! व्यावसायिक रंगभूमीवर यायचं काही ठरविलं नव्हत पण हौशी कलाकार म्हणून कार्यक्रम करता करता व्यावसायिक रंगभूमीवर कधी आलो कळलच नाही ...!
                 हे श्रेय वरवर माझे दिसत असले तरी यामध्ये अनेक लोकांचा वाटा आहे. खरं म्हणजे तेच या सर्व माझ्या यशाचे शिल्पकार आहेत. मी केवळ निमित्त मात्र आहे, असे प्रामाणिकपणे मला वाटते.  या कार्यक्रमाचे सर्व कलाकार , निर्माते श्री शेखर म्हात्रे , या कार्यक्रमाचे आधारस्तंभ श्री. रवीशेठ पाटील , माझे मित्र मनोज म्हात्रे आणि निलेश पाटील ( म्हात्रे & पाटील असोसिएट्स ) , रवी मढवी, महेंद्र दळवी ( दिवा ),  बी. ए. पाटील ( घणसोली ) , अनिल भोईर (जसखार), ह्रीशिकेश ठाकूर , सुरज भगत ( शेलघर ) अशी अनेक नावे सांगता येतील. आज हे लिहिताना तिकीट खिडकीचा रिपोर्ट सुद्धा एकदम जबरदस्त आहे. शो हाउसफुल होण्याच्या मार्गावर आहे .        
आयुष्यात आणखी एक स्वप्न पूर्ण करण्याची संधी परमेश्वर देतोय ...सर्वांचे मनापासून धन्यवाद ..! अजून अनेक नाट्यगृहे आहेत, वेगवेगळे प्रयोग आहेत ...सर्व रसिकांचे आशीर्वाद आणि सहकार्य असल्यावर  काहीही अशक्य नाही ...!
संजीवन म्हात्रे . १५ ऑगस्ट २०१५ , सकाळी ६:२३ वाजता.

नमस्कार ...!'
माझ्या " बाल्या गारी हलू चालव , चिंता कर आस बाप्पासशी " या ओळी अनेक टेम्पो च्या मागे अपघात विषयी जनजागृती करण्यासाठी अनेक चाहत्यांनी लिहिल्या होत्या. आता माझं आणखी एक गाणं " आई बाप्पासशी वळवतान बोबरी, हि पोरा पोरींची लफरी " हे whatsup वर status म्हणून गाजतंय ..! रसिक आणि चाहत्यांचे मन:पूर्वक धन्यवाद ..!
आपला सर्वांचा - हास्यप्रबोधनकार संजीवन म्हात्रे

खंत ...!

खंत ...!

                                 दु:खात एक आशा

                                        येईल सुख कधीतरी 

                                               सुखात एक निराशा 

                                                       येईल दु:ख कधीतरी 

                                                               या कधीतरी ला नसतो अंत 

                                                                       हीच तर मानवाच्या जीवनाची खंत ....!

                                                                                       संजीवन म्हात्रे .